മുസ്ലിം ദൗത്യം 2
ഏതൊരു സമൂഹത്തിലെക്കാണോ പ്രവാചകൻമാരെ അയക്കപ്പെട്ടത് അവരോട് നിശ്ചയം നാം ചോദിക്കും (അവർ പ്രവാചകന്മാരുടെ സന്ദേശം സ്വീകരിച്ചോ ഇല്ലേ എന്ന്. പ്രവാച്ചകന്മാരോടും നാം തീര്ച്ചയായും ചോദിക്കും (അവർ തങ്ങളുടെ ദൌത്യം എത്രത്തോളം നിർവഹിച്ചു എന്ന്). സൂറത്ത് അഅറാഫ് 6
നബിമാർ തങ്ങളുടെ ഉത്തരവാദിത്തം മനസ്സിലാക്കുകയും ജനങ്ങൾക്ക് എത്തിച്ചു കൊടുക്കുന്നതിൽ ഒരു വീഴ്ചയും വരുത്താതിരുന്നതും അതുകൊണ്ടാണ്.
തിരുമേനി തന്റെ ഉത്തരവാദിത്തം യഥാവിധി നിർവഹിക്കുകയും തന്റെ വിടവാങ്ങൽ ഹജ്ജ് വേളയിൽ അറഫാ മൈതാനിയിൽ വെച്ച ജനങ്ങളോട് ചോദിച്ചു: “ഞാൻ സത്യസന്ദേശം നിങ്ങൾക്ക് എത്തിച്ചു തന്നില്ലേ?”
ജനം ഒന്നായി പറഞ്ഞു: “ഉവ്വ്, തീര്ച്ചയായും അങ്ങ് എത്തിച്ചു തന്നിട്ടുണ്ട്.”
അപ്പോൾ തിരുമേനി ആകാശത്തേക്ക് നോക്കി പറഞ്ഞു: “അല്ലാഹുവേ, നീ സാക്ഷി! ഞാൻ ഇവർക്ക് എത്തിച്ചു കൊടുത്തിരിക്കുന്നു.”
പിന്നീട് ഇതേ സന്ദർഭത്തിൽ തന്നെ തിരുമേനി ജനങ്ങളോട് ഉൽബോധിപ്പിച്ചു: “ഞാൻ നിങ്ങൾക്ക് എന്ത് എത്തിച്ചു തന്നോ അത് നിങ്ങൾ മറ്റുള്ളവർക്കും എത്തിച്ചു കൊടുക്കുക”.
അവലംബം: “ഇസ്ലാമിക പ്രബോധനം എന്ത്?”
Leave a Reply